“Эгийн голын УЦС” төслийн шинэ удирдлага бүхий  монголын төлөөлөгчид  энэ төслийг хэрэгжүүлэх эсэх талаарх олон нийтийн санал асуулга явуулж байгаа Буриадад ирээд байна хэмээн  мэдээллийн REGNUM агентлагийн сурвалжлагч мэдээлж байна.

ОХУ-ын ерөнхийлөгчийн  тээвэр, байгалийн асуудлаарх  тусгай төлөөлөгч Сергей Иванов “Россия-24” телевизэд өгсөн ярилцлагадаа Монголчууд Байгаль нуурын цутгал голууд дээр усан цахилгаан станц барихгүй гэж мэдэгдсэн. Ийм усан цахилгаан станц барих нь оросын Байгаль нуурт аюул учруулна хэмээн оросын тал удаа дараа мэдэгдаж ирсэн. 

Ганцхан улс оронд нь эдийн засгийн хямрал нүүрлээд байгаа Монгол Улс оросоос цахилгаан эрчим хүч худалдаж авдаг болохоор өөрсдөд нь төвийн бүсээ хангах эрчим хүчний найдвартай эх үүсвэр шаардлагатай байгаа. Ийм болохоор монголчууд Байгальо нуурт цутгадаг Сэлэнгэ мөрний гол цутгал Эгийн гол дээр усан цахилгаан станц барих төсөл боловсруулаад байгаа юм.

Эгийн голын усыг ашиглах санаа бүр ХХ зууны дунд, 1965, 1974 оноос эхэлж судалгааны ажил хийж байсан ч санхүүгийн бэрхшээлээс болоод 1990 онд зогссон юм байна. Харин 1991 онд Монгол Улсын Эрчим хүчний яам энэ ажлыг эхлүүлэхээр шийдвэрлэж санхүүжилт олохоор Азийн хөгжлийн банкинд хандаж байж. Санхүүжүүлэх нааштай шийдвэр 1991 онд гарч тендер зарлан Итали-Швейцарийн хамтарсан компани шалгаран 1992-1995 онд энэ төсөл дээр ажиллсан гэдэг.
Техник эдийн засгийн үндэслэл боловсруулах, байгаль орчны үнэлгээ хийх нийт зардал нь таван сая доллар болж.
Энэ бүхий л баримт бичгийг авсан Ерөнхий сайд М.Энхсайхан яриа хэлэлцээр эхлүүлж 1996 онд барилгын ажлын олон улсын нээлттэй тендерээ зарлажээ. Гэвч шинээр байгуулагдсан Засгийн газар энэ төслөөс татгалзсанаар УЦС-ын ажил эхэлсэнгүй. 

Хоёр дахь оролдлого нь 2006-2007 онд эхэлсэн ч Ерөнхий сайд нь огцорсноор түүний залгамжлагчид бас л энэ төслийг ашиггүй хэмээн хойш тавьсан байна.

Гурав дахь удаагаа энэ асуудлыг Ерөнхий сайд Н.Алтанхуяг 2014 онд сөхөж Эрчим хүчний сайд М.Содномпил эрчим хүчний ачааллыг бууруулах зорилгоор санаачилжээ.
Өглөөний зургаан цагаас оройн 22 цаг хүртэл монголд эрчим хүчний хамгийн их ачаалалтай байдаг бол бусад үед нь 300 МВт байна. Ингээд Оросоос эрчим хүч авсаар хараат хэвээр байх уу, усан цахилгаан станцаа барих уу гэсэн хоёр сонголт Монголчуудын өмнө гарч ирлээ.

Эгийн голын Усан цахилгаан станцын төсөл боловсруулах ажил дуусч дэд бүтэц байгуулах ажил нь эхлээд явж байгаа. Хятадын хувьд бол Эгийн голын УЦС нь “Торгоны замын эдийн засгийн бүс” төслийн нэг хэсэг нь. Эгийн голын усан цахилгаан станцын хүчин чадал 315 МВт.

Монгол Улсын Эрчим хүчний яамны дэргэдэх Эгийн голын усан цахилгаан станцын барилгын ажил хариуцаж байсан Д.Одхүү захирал нь ажлаасаа чөлөөлөгдөөд шинэ захирал нь энэ төслийн талаар Буриадад болж байгаа олон нийтийн санал асуулгыг ажиглахаар ирээд байгаа нь энэ хэмээн мэдээллийн REGNUM сайт мэдээлжээ.