Өөрсдийгөө Луганскийн бүгд найрамдах улс хэмээн тунхаглаад байгаа улсад кафе, цэнгээний газар, уушийн газарт орсон эмэгтэйчүүдийг баривчилна гэнэ.
Энэ талаар босогчдын ”Призрак”  бригадын захирагч  Алексей Мозговой “Новороссийн ардын шүүх”-ийн хуралдаан дээр мэдэгдсэн байна.
Тэрээр “Маргааш гэхэд л би кафе, уушийн газарт нэг л эмэгтэй харагдах юм бол шууд баривчилна. Өөр өөрсдийнхөө хүүхдийг өөрсдөө харж хандаарай. Эмэгтэй хүн бол ээж, гал тогоогоо сахиж байх учиртай. Уушийн газарт суусны дараа тэр хүн ямар ээж байх юм. Хүүхдээ яаж хүмүүжүүлэх юм. Тэдэндээ ямар үлгэр дууриал үзүүлэх вэ” гэснийг “Дождь” хэвлэл иш татжээ.

Тэр бас Луганскийн БНУ-д шөнийн бүх клуб эмэгтэйчүүдэд хаалттай байх ёстой гэсэн байна. “Эр нөхөртөө үнэнч эхнэр байхыг хүсч л байгаа бол гэртээ суугаад юм нэхэж бай. Ийм учраас эргүүлүүд уушийн газар, кафед байгаа бүх эмэгтэйчүүдийг баривчил гэж хатуу тушааж байна. Давтан хэлье, бүгдэд тушааж байна. Одоо бид орос хүмүүс гэдгээ эргэн санах цаг болсон. Өөрсдийнхөө оюун санааны үнэ цэнийг бодох цаг болсон” гэж Мозговой “Ардын шүүх”-ийн тэргүүлэгчдийн хуралдаан дээр мэдэгджээ.
Бригадын захирагчийн хэлсэн энэ үгийг хуралдаанд оролцогсод бүг дэмжсэн байна.