Манай гариг дэлхий дээр байгалийн асар их баялагтай 10 орныг 24/7 Уолл-стрит сайт нэрлэжээ. Ингэхдээ тухайн улс дахь ашигт малтмал, байгалийн баялгийг зах зээлийн үнэ ханшаар тооцон гаргасан байна. 
Нөгөө талаар байгалийн энэ баялгийн уран, мөнгө, фосфат зэрэг нь үнэтэйгээс гадна ховор байдгаас эрэлт ихтэй.

1.    Орос

Нийт нөөцийн үнэлгээ нь 75,7 их наяд доллар
Нефтийн нөөц нь 60 тэрбум баррель. 7,08 их наяд доллар
Байгалийн хийн нөөц нь 1,680 их наяд шоо фут. 19 их наяд доллар.
Ойн нөөц нь 1,95 тэрбум акр. 28,4 их наяд доллар

Орос бол байгалийн нөөц баялгаараа хамгийн баян орны нэг. Байгалийн хий, ойн нөөцөөрөө дэлхийн бүх орныг тэргүүлдэг. Нүүрсний ордоороо дэлхийд хоёрт ордог бол алтны нөөцөөрөө гуравдугаарт ордог. Өнөөдөртөө олборлооогүй байгаа ч газрын ховор элементийн нөөцөөрөө дэлхийд хоёрдугаарт жагсдаг улс.

2.    АНУ

Нийт нөөцийн үнэлгээ нь 45 их наяд доллар.
Нефтийн нөөц нь ....
Байгалийн хийн нөөц нь 272,5 шоо тэрбум фут. 3,1 их наяд доллар
Ойн нөөц нь 750 сая акр, 10,9 их наяд доллар

АНУ-д манай гаригийн нүүрсний 3,2 хувь нь байгаа нь 30 их наяд доллараар үнэлэгдэнэ. Америк 750 сая акр ойн нөөцтэй нь бараг 11 их наяд доллараар үнэлэгдэнэ. Зэс, алт, байгалийн хийн нөөцөөрөө дэлхийд эхний таван орны нэгд ордог.

3.    Саудын Арави

Нийт нөөцийн үнэлгээ нь 34,4 их наяд доллар
Нефтийн нөөц нь 266,7 их наяд баррель. 31,5 их наяд доллар
Байгалийн хий нь 258 их наяд шоо метр. 2,9 их наяд доллар
Ойн нөөц нь.....топ 10-т орохгүй

Энэ улс манай дэлхийн нефтийн нөөцийн 20 хувийг эзэмшдэг. Ер нь гол нөөц нь нефть, хий. Байгалийн хийн нөөцөөрөө дэлхийд тавдугаарт ордог.

4.    Канада

Нийт нөөцийн үнэлгээ нь 33,2 их наяд доллар
Нефтийн нөөц нь 178,1 тэрбум баррель, 21 их наяд доллар
Байгалийн хийн нөөцөөрөө эхний 10-т орохгүй
Ойн нөөц 775 сая акр. 11,3 их наяд доллар

Канад ойн нөөцөөрөө дэлхийд гуравт, ураны нөөцөөрөө хоёрдугаарт ордог. Фосфат, фосфоритын их нөөцтэй ч эхний 10-т орохгүй.

5.    Иран

Нийт нөөцинй үнэлгээ нь 27,3 их наяд доллар.
Нефтийн нөөц нь 136,2 тэрбум баррель. 16,1 их наяд доллар
Байгалийн хийн нөөц 991,6 их наяд шоо метр. 11,2 их наяд доллар
Ойн нөөцөөрөө эхний 10-т ордоггүй.

Байгалийн хийн нөөцөөрөө Персийн буландаа Катартай хамт хамгийн томд орно. Энэ улсад дэлхийн байгалийн хийн 16 хувь нь байгаа. Нефть олборлолтоороо дэлхийд гуравт ордог. Энд дэлхийн нийт нефтийн 10 хувь нь байгаа болоод тэр.

6.    Хятад

Нийт нөөцийн үнэлгээ нь 23 их наяд доллар.
Нефтийн нөөцөөр эхний 10-т орохгүй
Байгалийн хийгээр ч эхний 10-т орохгүй.
Ойн нөөц нь 450 сая акр. 6,5 их наяд доллар

Хятадын гол баялаг бол нүүрс, газрын ховор элемент. Хятада дэлхийннийт нүүрсний 13 хувь нь бий. Саяхан тус улс сланцын хийн том орд илрүүлсэн. Нөөц, үнэлгээг нь тогтоовол хятадын байгалийн баялгийн нөөцийн үэнлгээнд том өөрчлөлт гарна.

7.    Бразил

Нөөцийн нийт үнэлгээ нь 21,8 их наяд доллар
Нефтийн нөөцөөрөө топ 10-т орохгүй
Байгалийн хийн нөөцөөр ч топ 10-т багтахгүй
Ойн нөөц нь 1,2 тэрбум акр. 17,5 их наяд доллар

Алт, ураны нөөц ихтэй. Төмрийн хүдрийн 17  хувийг Бразил эзэлдэг. Манай гаригийн ойн нөөцийн 12,3 хувийг эзэлдэг. Далай дахь нефтийн их нөөц илрүүлсэн нь урьдчилсан үнэлгээгээр 44 тэрбум баррелт гэж байгаа.

8.    Австрали

Нийт нөөцийн үнэлгээ нь 19,9 их наяд доллар.
Нейфтийн нөөцөөр топ 10-т орохгүй
Байгалийн хийн нөөц нь топ 10-т багтахгүй
Ойн нөөц нь 369 сая акр. 5,3 их наяд доллар

Ой, нүүрс, зэс, төмрийн их нөөцтэй. Байгалийн долоон төрлийн нөөцөөрөө  дэлхийд эхний гуравт жагсдаг. Дэлхийн нийт алтны нөөцийн 14,3 хувийг эзэмшдэг. Мөн дэлхийнураны нийт нөөцийн 46 хувь нь энд бий. Байгалийн хийн асар их нөөц баруун хойд эргийн бүсэд байгаа.

9.    Ирак

Нийт нөөцийн үнэлгээ нь 15,9 их наяд доллар.
Нефтийн нөөц нь 115 тэрбум баррель. 13,6 их наяд доллар
Байгалийн хийн нөөц нь 111,9 их наяд шоо фут. 1,3 их наяд доллар
Ойн нөөцөөрөө топ 10-т ордоггүй.

Иракын гол баялаг бол нефть. Манай гаригийн бүх нефтийн нөөцийн 9 хувийг эзэмшдэг. Энэ их нөөцийн  ихэнхийг Курдистантай холбоотой улс төрийн шалтгаанаас болоод эзэмшиж чаддаггүй. Фосфоритын их нөөц нь 1,1 их наяд доллараар үнээгдэнэ.

10.    Венесуэл

Нөөцийн нийт үнэлгээ нь 14,3 их наяд доллар.
Нефтийн нөөц нь 99,4 тэрбум баррель. 11,7 их наяд доллар.
Байгалийн хийн нөөц нь 170,9 их наяд шоо фут. 1,9 их наяд доллар
Ойн нөөцөөрөө топ 10-т багддаггүй.

Энэ улс төмөр, байгалийн хий, нефтийн нөөцөөрөө дэлхийн том 10 улсад багтдаг. Байгалийн хийн нөөц нь дэлхийд наймдугарт жагсдаг. Энэ нь дэлхийннийт нөөцийн 2,7 хувь гэсэн үг. Нефтийн нөөц нь ч гэсэн дэлхийн нийт нөөцийн 7,4 хувь болдог.