Хүн бүр л бүхнээс ухаантай байж мэргэжлээрээ алдар нэрээ дуурсгахыг хүсдэг ч энэ нь сайндаа л насан өтөл болохын хэрд биелдэг. Гэтэл нэг хэсэгт нь бол мөрөөдлөөс хэтрэхгүй өнгөрөх нь ч бий. Харин дэлхий нийтээрээ вундеркинд хэмээн зөвшөөрдөг сод ухаантнууд бол бүр хүүхэд байхдаа авьяас нь тодорч тухайн салбартаа цойлон гарч ирдэг. Өнөө үеийн 10 сод ухаантан хүүхдийг нэрлэж байна.

1.    Микаэла Фудолиг. 1991 онд төрсөн.

Микаэла 11 насандаа Филиппиний их сургуульд элсэн 16 насандаа онц дүнтэй төгсөн физикийн шинжлэх ухааны бакалавр цол авчээ. Одоо тэрээр их сургуульдаа багшлан систем дэх математик загварчлалын зэрэгцээ биологийн салбарт ажиллаж байна.


2.    Акрит Ясвал. 1993 онд төрсөн.

Акрит бүр долоон настай байхдаа анхны мэс заслаа хийж байсан. Тэр хэдийгээр эмч болоогүй ч гэсэн ойр төрлийн танил, нөхдөөсөө дуулсан, анагаах ухааны гоц мэдрэмжээрээ гар нь түлэгдсэн найман настай найзынхаа хурууг нь тайрч байжээ. 

12 насандаа Анагаах ухааны их сургуульд элсч 17 насандаа магистрын зэрэг авчээ. Өнөөдөр тэр хорт хавдар эмчлэх эм бүтээхээр ажиллаж байгаа.

3.    Тейлор Уилсон. 1994 онд төрсөн.

Тейлор бол цөмийн задрал  явуулах төхөөрөг бүтээсэн хамгийн залуу хүн. 10 насандаа тэр цөмийн бөмбөгний бүтэцийг тодорхойлж, тэр төхөөргийг 14 насандаа бүтээжээ. 2011 оны тавдугаар сард Олон улсын шинжлэх ухаан техникийн ярмагаас шагнал хүртэж байсан.

Энэ оны хоёрдугаар сард TED-2013 бага хуралд оролцож 30 жилд нэг удаа цэнэглэж байх 50МВт-ын тус тусдаа цөмийн реактор байгуулах тухай санаа дэвшүүлж байсан юм.

4.    Камерон Томпсон. 1997 онд төрсөн.

Камерон бол Умард Уэльсийн математикийн суутан. Тэр дөрвөн настай байхдаа “Тэг бол хамгийн бага тоо” гэж хэлсэн багшийгаа “Хасах тоо чинь түүнээс бага шүү дээ” хэмээн мохоож байжээ. 11 насандаа Их британийн Нээлттэй их сургуулиас математикийн зэрэг авч, тэр ондоо төгсөлтийн хоёр ч шалгалтыг амжилттай өгч байсан.
Харамсалтай нь тэрээр Аспергерийн өвчтэй ч манай гаригийн хамгийн залуу математикийн суутан.

5.    Жейкоб Барнгетт. 1998 онд төрсөн.

Жейкоб бол бас л америкийн математикийн суутан. Тэр хоёр настайдаа бараг ярьж, уншиж чадахгүй байхдаа математикийн үйлдлүүдийг хийдэг байж. Гурван насадаа цагаан толгойг өөд уруугүй мэддэг болсон.

10 насандаа Индианополисын Индианы их сургуульд элсч докторын диссертаци дээр ажиллах явцдаа Эйнштейны харьцангуйн онолыг няцаасан. Одоо тэрээр квантын физикээр диссертаци бичиж байгаа.

6.    Марк Тянь Боэдихаржо. 1998 онд төрсөн.

Марк Гонконгод төрж Гонконгийн их сургуульд  9 насандаа элссэн хамгийн залуу  оюутан. Тэр математик, статистикийн тусгай хөтөлбөрөөр хичээллэдэг. Энэ хугацаанд тэрээр төгсөлтийн шалгалтаасаа наймыг нь хэдийнээ өгчээ.
Тэр одоо математикийн баклавр, философ, математикийн магистр цолтой. Одоо математик, фолософиор докторын зэрэг хамгаалахаар АНУ-д сурч байгаа.

7.    Приянши Сомани. 1998 онд төрсөн.

Энэ бол математик тооллын онцгой авьяастай хүүхэд. Зургаан насандаа тэр тоолж сурсан бол 11 насандаа Mental Calculation World Cup тэмцээнд түрүүлж байсан. Тэр зургаан оронтой арван тооноос квадарат язгуур гаргахад ердөө л 6 минут, 51 секунд зарцуулж байсан юм. Приянши охин ийм бодлогыг 2012 онд 2 минут 43 секундын дотор бодож дэлхийн дээд амжилт тогтоож байсан юм.


8.    Аким Камара. 2000 онд төрсөн.

Аким бол Берлиний хийлч. Тэр ердөө л төрснөөсөө хойш сонсон бүхий л хөгжмөө мэддэг, хамгийн ой сайтай хөгжимчин. Багш нь түүний хөгжмийн сонсгол төрснийх нь дараа хоёр долоо хоногтой байхаас нь л хөгжсөн гэдэг.
Хийл тоглохыг тэр ердөө л зургаан сарын дотор сурч гурван настайдаа шинэ жилийн концертод тоглож байжээ.

9.    Итан Бортник. 2000 онд төрсөн.

Итан бол хөгжимчин, ая зохиогч, жүжигчин. Гурван настай байхдаа аргон хөгжим тоглож суран, таван насадаа ая зохиож эхэлсэн. 2007 он гэхэд тэрээр хэдийнээ телевизийн од болсон байлаа.
Тэр манай гаригийн хамгийн залуу гоцлол хөгжимчин хэмээн Гиннесийн дээд амжилтын номд орсон. Тэр АНУ-ын Невада, Лас-Вегаст концертоо тоглохдоо 10 настай байсан.

10.    Таниш Мэттью Авраам. 2003 онд төрсөн.

Менст дөрвөн настайдаа IQ 2-ийн шалгалтад 99,9 хувийн амжилт үзүүлэн элссэн хамгийн залуу гишүүн нь. Таван насандаа Таниш Стэнфордын их сургуулийн математикийн таван курс хөтөлбөрийг судалсан. 
Зургаан насандаа дунд сургууль, дараа нь коллежид элсч 4,0-оос доош дүн авахгүй байгаа.  Одоо тэр НАСА-гийн Сарны хүрээлэнгийн веб-сайтад эссэ бичиж байгаа.