Сүхбаатар дүүргийн Засаг даргын нэрэмжит цэрэг, спортын “Дөл” тоглолт өнөөдөр Зэвсэгт хүчний 084-р анги дээр эхэллээ. Нийслэл хот байгуулагдсаны 380 жил, Монгол цэргийн өдөр, Зэвсэгт хүчний 98 жилийн ой, Халхын голын байлдааны ялалтын 80 жилийн ойг тохиолдуулан зохион байгуулагдаж буй уг тэмцээнд дүүргийн ЕБС-ын ахлах ангийн есөн баг цэрэгжилтийн спортын 9 төрлөөр ур чадвар, авхаалж самбаагаа сорин өрсөлдөнө.

Мөн энэ жилийн тэмцээнийг БНМАУ-ын хувьсгалт тэмцэлийн ахмад зүтгэлтэн, 1939, 1945 оны дайны ахмад дайчин, хурандаа Дашдондогийн Цэдэндамба агсны гэр бүл, үр хүүхдүүд дэмжин оролцож байна.