Хятадын Хунань мужийн Жанзяце хотоос өмнө зүгт 8 км газарт байдаг Тяньменьшянь уулан дахь тэнгэрийн хаалга нь байгаль эх өөрөө урлаж үлдээсэн гайхамшигт газрын нэг.

Энэ сайхан газар луу манай гаригийн хамгийн урт зорчигчдын татлага замын нэг 7,5 км зам бий. Хэрэв автобусаар явна гэвэл 99 нугачаагаар нааш цааш эргэн байж өгсөнө.

Яг Тэнгэрийн хаалга руу бараг эгц өгсөх 11 км замаар 999  үе бүхий шатаар явж 57 метр өргөнтэй, 130 метр өндөртэй энэ хаалганд хүрнэ.

Эртний “Хятадын гурван улсын түүх” сударт өгүүлснээр бол манай эриний 263 онд болсон хүчтэй газар хөдлөлийн улмаас уулан дахь том хавцал эвдэрч энэ хаалга үүссэн гэсэн байдаг.

Энэ гайхамшигт газар өнөөдөр аялал жуулчлалын гол үзмэр болохын зэрэгцээ Жанзяце хотын нисэх буудал ойр байдгаас элдэв спорт, эр зоригийн үзүүлбэр үзүүлдэг газар.